Rishtaa Sirf Pyaar Ka Hota Hai

Ali aik jawaan ladka tha jo aik orphanage mein bara hua. Usay apna bachpan kabhi yaad nahi aaya, sirf itna maloom tha ke usay chhod diya gaya tha. Bachpan mein usay har waqt yehi dard rehta ke uska koi apna kyun nahi?

Phir ek din us orphanage mein aik couple aaya — Asad aur Sara. Dono ke apne bachay nahi thay, lekin dil mein mohabbat aur mamta bharpur thi. Jab unki nazar Ali par padi, to Sara ke chehre par ek ajeeb si muskurahat thi.
Usne kaha:
“Yeh bachha sirf humara hi hai.”

Ali unke saath gaya, magar uske dil mein hamesha shak tha — kya yeh log bhi kabhi chhod denge?

Lekin waqt ne sabit kar diya ke rishtay sirf khoon se nahi, pyaar se bante hain. Asad ne Ali ko har mushkil waqt mein sambhala. Sara ne har dafa maa ki tarah baahon mein jaga di. Jab Ali ne school mein pehli trophy jeeti, Sara ki aankhon mein khushi ke aansu thay. Jab Ali bimar hua, Asad ne raat bhar uska haath thaama rakha.

Ek din kisi ne Ali se poocha,
“Woh tumhare asli maa baap nahi hain, phir bhi unse itna lagao kyu?”
Ali ne sirf ek muskurahat ke saath kaha:
“Asli rishta woh hota hai jahan sirf pyaar ho — aur mere paas sab kuch hai.”