Khorasan Ka Islam mein Tareekhi Kirdar
Khorasan – Ek Mubarak Zameen ka Waqiya 
Khorasan aik purani aur tareekhi zameen ka naam hai jo aaj ke dor mein Iran, Afghanistan, Turkmenistan, aur Central Asia ke kuch hisson par mushtamil hai. Islam ke aghaaz se le kar aakhri zamana tak, is ilaqay ka zikar Quran aur hadith mein milta hai. Ye zameen hamisha se ilm, jihad, aur khilafat ka markaz rahi hai.
Hadith Mein Khorasan Ka Zikar
Hazrat Abu Huraira (R.A) se riwayat hai ke Nabi Kareem ﷺ ne farmaya:
“Jab tum Khorasan se kali jhandi dekhoge to unke sath chalay jana, kyun ke un mein Allah ka khalifa hoga (Imam Mahdi).”
Is hadith se maloom hota hai ke Khorasan akhir zamana mein ek bohot ahem kirdar ada karega. Imam Mahdi ka zuhoor Khorasan se hoga aur unke lashkar mein wo log honge jo Haq aur Islam ke liye ladaai kareinge.
Quran Mein Ishara
Quran mein Khorasan ka naam to waazeh tor par nahi aaya, magar Allah Ta’ala ne aik qaum ke bare mein farmaya:
“Wain tatawallaw yastabdil qawman ghairakum summa la yakoonu amsalkum.”
(Surah Muhammad, Ayat 38)
“Aur agar tum mooh modoge to Allah tumhare badlay mein ek aur qaum laayega jo tumhare jaisi na hogi.”
Ulama ke mutabiq, kuch mufassireen ne is ayat ko Khorasan ki us qaum par apply kiya hai jo akhir zamana mein Islam ka parcham uthayegi.
Khorasan Ka Tareekhi Pas-e-Manzar
Khorasan Islam ke shuruaati dor mein bhi aik qila tha. Yahan ke logon ne ilm aur jihad dono mein ahem kirdar ada kiya. Hazrat Imam Bukhari, Tirmidhi, aur kai aur a’zam mufassir, muhaddis aur faqih yahi se taluq rakhte the.
Khorasan ke logon ne hamesha zulm ke khilaf awaz uthayi. Abbasi khilafat ka aghaaz bhi Khorasan se hua jab unhone Umayyad Khilafat ke zulm ke khilaf jang ka aghaaz kiya.
Imam Mahdi Aur Khorasan
Kai ahadith mein aata hai ke Imam Mahdi ki nasar kali jhandiyon ke sath Khorasan se niklaygi, aur wo log Dajjal se ladain gay. Unka lashkar Haq ka lashkar hoga jisse Allah Ta’ala apne deen ki nusrat farham karega.
Khorasan sirf aik zameen ka naam nahi, balke ye aik nishani hai un logon ki jo akhir zamana mein Islam ki tajdeed kareinge. Ye wo log honge jo Quran aur Sunnah ke sath juray rahain gay, aur Imam Mahdi ke lashkar mein shaamil ho kar duniya mein Haq ka parcham buland kareinge.
