Beqarar Dil Ek Khamosh Mohabbat
Beqarar Dil 
Sham ka waqt tha, dhoop halki si dhal rahi thi. Sheher ke aik purani gali mein, ek choti si kitaabon ki dukaan ke samne, Ali roz ki tarah aaj bhi khamoshi se khara tha. Us ki aankhon mein intezaar tha — wohi purana intezaar jo guzishta 3 mah se har roz uss waqt uss jagah usay le aata tha.
Ali ek likhnay wala tha, jazbaat mein bheegay lafzon ka aashiq. Lekin uska apna dil, kab ka beqarar ho chuka tha — us din se jab usne Zoya ko pehli dafa uss kitaabon ki dukaan mein dekha tha.
Zoya, ek seedhi saadi, lekin ajeeb si baat karne wali larki thi. Kitabein uska junoon thein. Woh har haftay aik nai kitaab khareedti thi, aur ussi waqt Ali se thodi si guftagu kar leti thi — bus chand lamhay, chand muskurahatien. Magar Ali ke liye woh chand lamhay poore din ka rang le aate thay.
Zoya ne kabhi notice nahi kiya ke Ali har dafa usay dekh kar likhne lagta tha, usi waqt apne notebook mein kuch likhta. Woh likhta tha:
“Beqarar dil ka sukoon sirf teri ek muskurahat mein chhupa hai…”
Ek din, Zoya nahi aayi. Phir agle din bhi nahi. Hafte guzar gaye, magar Ali ka beqarar dil har din ussi dukaan ke samne uska intezaar karta raha. Usne har kitaab mein, har page par Zoya ko dhoonda — lekin woh nahi mili.
Phir aik roz, Zoya achanak usi gali mein wapas aayi. Haath mein aik purani diary thi. Us ne Ali ko dekha, muskurayi aur kaha:
“Main wapas aayi hoon… mujhe pata tha tum yahan milo ge.”
Ali ne diary dekhi — woh usi ke lafzon se bhari thi, wohi jo us ne likhe thay — magar yeh diary Zoya ke paas kaise thi?
Zoya ne kaha
“Main har dafa tumhare likhe hue lafzon ko dekhti thi… aur kabhi kabhi chori kar leti thi… Mujhe nahi pata tha ke beqarari dono taraf thi.”
Ali ka beqarar dil us din sukoon mein badal gaya.
The End
