Chor Aur Sipahi Ki Dilchasp Kahani
Chor Aur Sipahi Ki Dilchasp Kahani
Ek dafa ka zikr hai ke aik sheher mein ek chalak chor rehta tha. Woh raat ke andhere mein logon ke gharon mein chhup kar chori karta aur subah ghoomta phirta jaise kuch hua hi na ho. Sheher ke log uss chor se tang aa gaye the.
Sheher ke sardar ne faisla kiya ke ab is chor ko pakarna hi hoga. Usne apne sab se hoshiyaar sipahi, Akbar ko bulaaya aur kaha, “Yeh tumhara imtihaan hai. Chor ko pakar kar dikhao.”
Akbar ne sheher mein chhupi har gali ka jaiza lena shuru kiya. Har raat woh ghadi le kar nikalta aur chup chap deewar ke peeche chhup jata. Aik din usne dekha ke ek aadmi rassi ke sahare aik ghar mein ghus raha hai. Akbar foran samajh gaya ke yeh wahi chor hai.
Sipahi ne uss chor ka peecha kiya, magar bina awaaz ke. Jaise hi chor ne ghar se maal chura kar nikalne ki koshish ki, Akbar ne usse pakar liya. Chor ne bhaagne ki koshish ki, magar Akbar ne usse zor se pakar ke neeche gira diya.
Logon ne sipahi ki bohot tareef ki. Chor ko qaid kar liya gaya aur usse sabak mila ke chori ka anjaam kabhi acha nahi hota.
Kahani ka Sabak:
Imaandari sab se behtareen aadat hai. Jhoot aur chori ka anjaam hamesha bura hota hai. Hamein hamesha sachai aur imaandari ka rasta ikhtiyar karna chahiye. (More Stories.)
